IlkinPro Hospitality

Təcrübə, peşəkarlıq və sevgi ilə xidmət keyfiyyətini yüksəldirik

Haqqımızda
IlkinPro Hospitality təsisçisi İlkin Rüstəmovun vizyonu ilə yaradılıb. Onun arzusu ölkəmizin bütün qonaqpərvərlik müəssisələrində – hotellərdə və restoranlarda – yüksək xidmət mədəniyyətinin formalaşdırılmasıdır. Axı Azərbaycan əsrlərdən gələn zəngin qonaqpərvərlik ənənələrinə malikdir və bu ənənələri müasir müəssisələrdə dirçəltmək, hər bir qonağa hiss etdirmək vacibdir.

İlkin Rüstəmov 15 ildən artıq hotelçilik təcrübəsinə sahibdir. O, karyerası ərzində Fairmont, Marriott, Rixos, Serena Hotels kimi beynəlxalq brendlərdə müxtəlif vəzifələrdə çalışmış, satış koordinatorluğundan baş menecerliyədək yüksələrək böyük idarəçilik təcrübəsi qazanmışdır. Bu bilik və təcrübəyə söykənən IlkinPro Hospitality müəssisələr üçün geniş xidmətlər təqdim edir: peşəkar təlimlər, sahibkarlar və top-menecment üçün konsultasiya dəstəyi, eləcə də innovativ proqram təminatları.

Bugün IlkinPro Hospitality-nin təqdim etdiyi IlkinPro PMS və Channel Manager məhsulları hotellərdə idarəetməni sistemləşdirir, online satış kanallarını avtomatlaşdırır və gəlirləri artırır. IlkinPro Stars isə müəssisələr üçün mükəmməl loyallıq proqramı yaratmağa imkan verir. Bizdə ilk konsultasiya həmişə ödənişsizdir – gəlin danışaq və müəssisənizdə qonaqpərvərliyi yeni zirvəyə qaldıraq.
IlkinPro Hotel Operation System
Otellər üçün hər şey bir yerdə – bulud əsaslı idarəetmə sistemi.

IlkinPro HotelOS – otellərin bütün əməliyyatlarını vahid platformadan idarə etməsi üçün yaradılıb.

Rezervasiyadan qiymət siyasətinə, housekeeping-dən maliyyə hesabatlarına qədər hər şeyi bir sistemdə izləyin və optimallaşdırın.

🔑 Əsas üstünlüklər:
🤖 Dinamik qiymət analizi – bazarı izləyir, qiymətləri optimallaşdırır, gəlirinizi artırır.
🏨 Tam PMS – rezervasiya, check-in/out, housekeeping və hesabatlar bir paneldə.
🔗 200+ OTA sinxronizasiyası – Booking.com, Expedia, Airbnb ilə avtomatik inteqrasiya.
💻 Birbaşa bron mühərriki – saytınızdan komissiyasız rezervasiya imkanı.
🌟 Əlavə modullar – HR, mühasibatlıq, anbar, banketlər və daha çoxu.
Təqdimatı və qiymət cədvəlini yüklə
Yeni hotel qeydiyyatı sorğusu
IlkinPro Stars  - Loyallıq proqramı
Müştərinizi geri gətirən güc. Müasir rəqabətli bazarda ən qiymətli sərvət – təkrar qonaqdır. 

✨ Niyə IlkinPro Stars?
📲 100% rəqəmsal – əlavə proqram yükləmədən, Apple Wallet və Google Wallet üzərindən.
🎨 Brendinizə uyğun – kartlar tamamilə sizin loqo və rənglərinizlə fərdiləşdirilir.
🤝 Daimi əlaqə – push bildirişləri ilə qonaqlara xüsusi təkliflər göndərin.
📊 Şəffaf analitika – bütün əməliyyatlar və kampaniyalar hesabatlarda aydın görünür.
🚀 Limitsiz imkanlar – istədiyiniz qədər kart, müştəri və kampaniya.
Front Office & Reservations Təlimləri
Qonağın oteliniz barədə ilk təəssüratı telefon zəngi və resepsiyada qarşılanma anında formalaşır. Düzgün yanaşma həm məmnuniyyət, həm də gəlir deməkdir.Təlimdə öyrədilənlər:
  • Telefon zənglərinin satış yönümlü cavablandırılması
  • Etirazların idarə olunması və endirimsiz satış texnikaları
  • Peşəkar check-in və check-out prosedurları
  • Qonaq sorğularının və şikayətlərin idarə edilməsi
  • Online rezervasiya və yazışma etiketləri
  • Qonaq rəylərinə cavab və otel reytinqinin artırılması
Bu təlim sayəsində komandanız daha yaxşı satacaq, daha səmimi qarşılayacaq və otelinizin nüfuzunu yüksəldəcəkdir.
Satış & Marketing Təlimləri
Satış təsadüf deyil – düzgün qurulmuş sistemdir. Marketinq isə yalnız reklam yox, düzgün mesajı, düzgün zamanda, düzgün auditoriyaya çatdırmaqdır. Otellər və restoranlar üçün bu iki sahənin gücləndirilməsi birbaşa gəlirlərin artması deməkdir.Təlimdə öyrədilənlər:
  • Satış strategiyası və seqmentasiya (korporativ, agentlik, tur operatoru və s.)
  • Müştəri etirazlarının idarə edilməsi və effektiv satış texnikaları
  • Satış təklifləri, müqavilələr və CRM sistemi ilə işləmək
  • Rəqəmsal marketinq: sosial media, SEO, kampaniyalar
  • Brend imici və vahid mesajların qurulması
  • Kampaniyaların izlənməsi və nəticələrin ölçülməsi
Bu təlimdən sonra komandanız daha çox müştəri cəlb edəcək, gəlirləri yüksəldəcək və brendinizi bazarda fərqləndirəcək.
Restaurant Servisi Təlimləri
Restoranda qonağın xatırladığı ilk şey yeməyin dadı qədər ofisiantın münasibəti və xidmətidir. Peşəkar xidmət – müştərinin yenidən qayıtmasının və restoranın uğurla böyüməsinin açarıdır.Təlimdə öyrədilənlər:

  • Qonağın qarşılanması və masada düzgün yerləşdirilməsi
  • Menyu təqdim etmə, yemək və içki tövsiyə etmə bacarıqları
  • Ofisiantın etiket qaydaları: duruş, nitq və davranış
  • Şikayətlərin peşəkar şəkildə idarə edilməsi
  • Qonağın yola salınması və loyallığın artırılması
  • İngilis dilində əsas cavablandırmalar və ünsiyyət formaları

Bu təlim sayəsində personalınız daha diqqətli, daha nəzakətli və satış yönümlü xidmət göstərəcək, nəticədə həm qonaqlar, həm də müəssisəniz qazanacaq.
Texniki Personal Təlimləri (HK, Engineering, Security)
Qonağın rahatlığı təkcə resepsiya və restoran xidməti ilə bitmir – otaq təmizliyi, texniki xidmət və təhlükəsizlik əməkdaşlarının davranışı da ümumi təcrübəyə böyük təsir göstərir. Kiçik bir səhv bütün təəssüratı dəyişə bilər, düzgün yanaşma isə qonaqda etibar və məmnuniyyət yaradır.Təlimdə öyrədilənlər:

  • Housekeeping standartları: otağa daxil olma, təmizlik prosesi, qonaqla ünsiyyət etikası
  • Texniki heyətin qonaqla davranışı və xidmət zamanı etik qaydalar
  • Təhlükəsizlik personalının davranış mədəniyyəti, qapıda qarşılama və nəzakət standartları
  • Qonaq sorğularının peşəkar cavablandırılması və operativ həll yolları
  • Bütün personal üçün “qonaq mərkəzli” düşüncə tərzinin formalaşdırılması
Bu təlimdən sonra texniki komandanız yalnız öz işini yox, ümumi qonaq təcrübəsini yüksəltməyin əhəmiyyətini anlayacaq və otelinizdə xidmət keyfiyyətini daha da möhkəmləndirəcək.
Mükəmməl xidmətin təşkili üçün menecment təlimi
Xidmət keyfiyyətinin səviyyəsini ilk növbədə idarə heyətinin vizyonu və yanaşması müəyyənləşdirir. Baş ofis rəhbərlərindən şöbə müdirlərinə qədər hər bir menecer yalnız idarəçi deyil, həm də komandasına örnək olmalıdır.Təlimdə öyrədilənlər:

  • Xidmət mədəniyyətinin formalaşdırılması və komanda ruhunun gücləndirilməsi
  • Effektiv ünsiyyət və rəhbərlik bacarıqları
  • SOP-ların (standard əməliyyat qaydaları) hazırlanması və tətbiqi
  • Performansın ölçülməsi və xidmət keyfiyyətinə nəzarət metodları
  • Şikayətlərin idarə olunmasında menecmentin rolu
  • Müştəri loyallığını artırmaq üçün strateji yanaşmalar
Bu təlimdən sonra idarə heyətiniz yalnız əməliyyatları deyil, xidmət mükəmməlliyini idarə etməyi öyrənəcək, nəticədə həm qonaq məmnuniyyəti, həm də işçi motivasiyası yüksələcək.
Brending və konsept yaradılması
Bir otel və ya restoranın uğuru təkcə binanın gözəlliyində və ya yeməklərin dadında deyil – brendin yaratdığı emosiyada və təqdim etdiyi konseptdədir. Qonaqlar sadəcə qalacaq yer və ya yemək deyil, özlərini dəyərli hiss etdirən bir təcrübə axtarırlar.IlkinPro Hospitality komandası olaraq biz müəssisənizin ruhunu müəyyənləşdirir və onu cəlbedici bir brend hekayəsinə çeviririk:

  • Rəqiblərin və bazarın araşdırılması
  • Müəssisəniz üçün unikal konsept və mövqeləndirmə hazırlanması
  • Loqo, dizayn dili və vizual elementlərin yaradılması
  • Brend mesajları və üslubunun formalaşdırılması
  • Qonaq təcrübəsinin konseptlə uyğunlaşdırılması (interyer, xidmət dili, menyu və s.)
Faydalar:
  • Sizi rəqiblərdən fərqləndirən unikal kimlik
  • Qonaqların yaddaşında qalacaq güclü brend imici
  • Daha yüksək loyallıq və təkrar rezervasiyalar
  • Satış və marketinq fəaliyyətlərinin asanlaşması
IlkinPro Hospitality – çünki hər uğurlu müəssisənin arxasında güclü brend dayanır.
Hotel/Restoran investisiya dəyərləndirilməsi
Doğru investisiya qərarı uğurun yarısıdır. Bir otel və ya restoran layihəsinə başlamaqdan əvvəl onun yerinin, potensial bazarının və gəlirlilik imkanlarının düzgün qiymətləndirilməsi vacibdir. Əks halda böyük maliyyə yatırımları uzunmüddətli zərərə çevrilə bilər.IlkinPro Hospitality bu mərhələdə sahibkar və investorların etibarlı tərəfdaşıdır. Biz sizin layihənizi hərtərəfli təhlil edirik:

  • Bazar araşdırması və rəqiblərin qiymətləndirilməsi
  • Layihənin yerləşmə üstünlükləri və çatışmazlıqları
  • Potensial qonaq seqmentlərinin müəyyən edilməsi
  • Təxmini gəlir və xərclərin proqnozlaşdırılması
  • İnvestisiya geri dönüş müddətinin (ROI) hesablanması
Faydalar:
  • Yanlış qərarlardan qorunmaq və riskləri minimuma endirmək
  • İnvestisiyanın real potensialını görmək
  • Bank, investor və ya tərəfdaşlarla daha güclü danışıqlar aparmaq
  • Layihəyə ən doğru formatda başlamaq və uzunmüddətli uğuru təmin etmək
IlkinPro Hospitality – çünki hər uğurlu layihə doğru dəyərləndirmə ilə başlayır.
Hotelin açılışa hazırlanması (tam xidmət paketi)
Yeni bir otel layihəsi böyük investisiya və böyük gözləntilər deməkdir. Amma uğurlu açılış yalnız tikinti və dizaynla bitmir – doğru planlaşdırma, düzgün komanda və sistemli idarəetmə tələb edir. Əks halda, ilk gündən qonaqların gözündə mənfi təəssürat yaranar və investisiyanın geri dönüşü ləngiyər.IlkinPro Hospitality olaraq biz otelinizin açılışa hərtərəfli hazır olmasını təmin edirik:

  • Struktur və bölmələrin formalaşdırılması
  • İşçi heyətinin seçilməsi və təlimi
  • SOP-ların (Standard Operation Procedures) hazırlanması və tətbiqi
  • Satış və marketinq strategiyasının qurulması
  • PMS və Channel Manager kimi idarəetmə sistemlərinin inteqrasiyası
  • Açılış öncəsi sınaq əməliyyatları və “test stay” proqramları
Faydalar:
  • Açılış günündən qonaqlara peşəkar xidmət təqdim etmək
  • İşləyən, hazırlıqlı komanda ilə start götürmək
  • Satış və gəlir potensialını ilk gündən düzgün istiqamətə yönəltmək
  • İnvestisiyanın daha tez geri dönməsini təmin etmək
Xidmət keyfiyyətinin auditi
Bir otelin və ya restoranın uğuru yalnız gözəl interyer və dadlı yeməklə ölçülmür – qonağın aldığı xidmətin səviyyəsi bütün təəssüratı formalaşdırır. Xidmət keyfiyyəti zəifdirsə, ən böyük investisiyalar belə özünü doğrultmur.IlkinPro Hospitality xidmət keyfiyyətinin hərtərəfli auditini apararaq sizə real mənzərə təqdim edir:

  • Qonaq təcrübəsinin gizli yoxlanışı (“mystery guest” metodu)
  • Xidmət proseslərinin müşahidəsi və qiymətləndirilməsi
  • İşçi heyətinin davranış və ünsiyyət bacarıqlarının analizi
  • Standart əməliyyat qaydaları (SOP) ilə uyğunluğun yoxlanması
  • Güclü və zəif tərəflərin detallı hesabatı
Faydalar:
  • Müəssisənizin xidmət səviyyəsinin real vəziyyətini öyrənmək
  • Qonaq məmnuniyyətini azaldan boşluqları dəqiq müəyyən etmək
  • İşçi heyətinin inkişaf ehtiyaclarını görmək
  • Əldə olunan nəticələr əsasında təlim və inkişaf planı hazırlamaq
IlkinPro Hospitality – çünki keyfiyyət ölçülmədən inkişaf etdirilə bilməz.
Korporativ satış sisteminin qurulması
Bir otel və ya restoranın sabit gəliri üçün korporativ müştərilərlə davamlı əməkdaşlıq həyati əhəmiyyət daşıyır. Lakin çox vaxt müəssisələr bu prosesi təsadüfi görüşlər və fərdi əlaqələrlə məhdudlaşdırır. Nəticədə satış potensialı tam istifadə olunmur.IlkinPro Hospitality korporativ satış sistemini peşəkar şəkildə qurur:

  • Hədəf bazar və müştəri seqmentlərinin müəyyən edilməsi
  • Satış hədəflərinin və illik fəaliyyət planının hazırlanması
  • Korporativ təklif və müqavilə şablonlarının yaradılması
  • CRM sisteminin tətbiqi və komandaya uyğunlaşdırılması
  • Satış heyətinin təlimi və davamlı nəzarət mexanizmləri
Faydalar:
  • Daha geniş korporativ müştəri bazası və davamlı gəlir axını
  • Satış prosesinin sistemli şəkildə izlənməsi və ölçülməsi
  • İtkilərin və təsadüfiliklərin minimuma endirilməsi
  • Komandanın motivasiyasının və peşəkarlığının yüksəldilməsi
Online satışların qurulması və artırılması
Bu gün qonaqların böyük əksəriyyəti otel və restoran seçimini online platformalar üzərindən edir. Əgər müəssisəniz rəqəmsal mühitdə güclü mövqedə deyilsə, potensial müştərilərin böyük hissəsini itirirsiniz.IlkinPro Hospitality olaraq biz sizin üçün effektiv online satış mexanizmi qururuq:

  • PMS və Channel Manager vasitəsilə Booking.com, Airbnb, Agoda və digər kanallara inteqrasiya
  • Rəsmi vebsaytınızda online rezervasiya modulunun yaradılması
  • SEO və rəqəmsal reklamlarla daha çox görünürlük
  • Sosial şəbəkələrdən rezervasiyaya yönəldən satış hunisinin qurulması
  • Online rəylərin idarə olunması və reytinqlərin yüksəldilməsi
Faydalar:
  • Daha çox rezervasiya və gəlir artımı
  • Satış kanallarında vahid qiymət və mövcudluq idarəetməsi
  • Vasitəçi xərclərinin azalması, birbaşa rezervasiyaların çoxalması
  • Rəqəmsal imic və brend gücünün möhkəmlənməsi
Qiymətlərin təhlili və tövsiyyələr
Otel və restoranların gəlirliliyində ən kritik məqam doğru qiymət siyasətidir. Qiymətlər çox yüksək olduqda satışlar azalır, çox aşağı olduqda isə gəlir itkisi baş verir. Optimal tarazlığı tapmaq üçün peşəkar təhlil və davamlı nəzarət vacibdir.IlkinPro Hospitality müəssisənizin gəlir idarəetməsini gücləndirmək üçün hərtərəfli analiz aparır:

  • Mövcud qiymət siyasətinin dəyərləndirilməsi
  • Mövsümi, həftəlik və günlük dinamiklərin təhlili
  • Rəqiblərin qiymət strategiyasının müqayisəsi
  • OTA (Booking.com, Expedia, Airbnb və s.) performansının analizi
  • Ən uyğun qiymət modellərinin hazırlanması (BAR, paket qiymətlər, promosiyalar)
  • Gəlir artımına yönəlik konkret tövsiyələrin verilməsi
Faydalar:
  • Optimal qiymətlərlə həm doluluğu, həm də gəliri artırmaq
  • Daha çevik və bazara uyğun satış strategiyası qurmaq
  • Reklam və satış kampaniyalarının effektini yüksəltmək
  • Maliyyə planlamasında proqnoz dəqiqliyini gücləndirmək
IlkinPro Hospitality – çünki düzgün qiymət siyasəti gəlirin açarıdır.
İllik büdcənin qurulması və proqnozlaşdırma
Uğurlu idarəetmənin əsası aydın maliyyə planıdır. İllik büdcə olmadan satış və gəlir hədəflərini dəqiq müəyyən etmək, xərcləri optimallaşdırmaq və inkişaf istiqamətlərini planlaşdırmaq mümkün deyil.IlkinPro Hospitality sizin üçün peşəkar büdcələşdirmə və proqnozlaşdırma prosesi qurur:

  • Satış və gəlir hədəflərinin təyin edilməsi
  • Xərclərin kateqoriyalar üzrə bölgüsü və optimallaşdırılması
  • Mövsümilik və bazar trendlərinə əsaslanan proqnoz modelləri
  • Cash-flow (pul axını) idarəetməsi
  • Müqayisəli analiz: planla fakt nəticələrin aylıq izlənməsi
  • Sahibkar və menecment üçün sadə və aydın hesabatların hazırlanması
Faydalar:
  • İnvestisiya və xərclərin nəzarət altında saxlanması
  • Risklərin öncədən görülməsi və vaxtında tədbir görülməsi
  • Daha real maliyyə hədəfləri və gəlir proqnozları
  • İşlək və şəffaf idarəetmə sistemi ilə komandanın motivasiyasının artması
Maliyyə şəffaflığı protokollarının qurulması
Bir otel və ya restoranın etibarlı idarə olunması üçün yalnız gəlir qazanmaq kifayət deyil – hər xərclənən və qazanılan vəsaitin şəffaf uçotu vacibdir. Maliyyə axınları üzərində aydınlıq olmadıqda, həm səhvlər, həm də sui-istifadə riski artır, nəticədə sahibkar üçün itkilər qaçılmaz olur.IlkinPro Hospitality bu problemlərin qarşısını almaq üçün şəffaflıq əsaslı maliyyə protokolları qurur:

  • Gündəlik gəlir və xərclərin izlənməsi üçün standart hesabat formalarının hazırlanması
  • Nəzarət mexanizmlərinin qurulması (ikiqat yoxlama, təsdiq prosedurları)
  • Kassa, depozit və ödəniş proseslərinin tam şəffaflaşdırılması
  • Menecment və sahibkar üçün aydın və vaxtında hesabat axınının təmin edilməsi
  • Mühasibat və əməliyyat bölmələri arasında düzgün koordinasiya
Faydalar:
  • Maliyyə itkilərinin və sui-istifadə hallarının qarşısının alınması
  • İnvestor və sahibkar üçün tam şəffaflıq və etibarın möhkəmlənməsi
  • Daha dəqiq büdcə planlaması və proqnozların hazırlanması
  • Komanda daxilində məsuliyyət və nizamın artması
Ulduz təsnifatı auditi və hazırlığı
Otelinizin aldığı ulduz sayı yalnız bir lövhə üzərindəki rəqəm deyil – qonaqların gözləntilərini formalaşdıran, bazardakı mövqeyinizi müəyyən edən ən vacib göstəricilərdən biridir. Səhv hazırlıq nəticəsində təsnifatda gözləniləndən az ulduz almaq həm nüfuza, həm də gəlirlərə ciddi təsir göstərə bilər.IlkinPro Hospitality bu prosesdə sizə dəstək olur:

  • Otelin mövcud vəziyyətinin ulduz təsnifatı kriteriyaları ilə müqayisəli auditi
  • Lazımi standartların (OTA, dövlət və beynəlxalq meyarlar) analizi
  • Ulduz yüksəlişi üçün tələb olunan dəyişikliklərin siyahısı və fəaliyyət planı
  • Personal təlimi və xidmət keyfiyyətinin uyğunlaşdırılması
  • Sənədləşmə və rəsmi yoxlamalara hazırlıq dəstəyi
Faydalar:
  • Ulduz təsnifatında yüksək nəticə qazanmaq və brend dəyərini artırmaq
  • Beynəlxalq bazarda rəqabət imkanlarını gücləndirmək
  • Qonaq məmnuniyyətini yüksəltmək və reytinqlərdə üstün mövqeyə çıxmaq
  • İnvestisiya dəyərinin artması və daha yüksək gəlirlilik
İşçi qüvvəsi planlaşdırılması və optimallaşdırma
Hotel və restoranların ən böyük gücü – onların insan resurslarıdır. Lakin yanlış planlaşdırma nəticəsində ya artıq əmək haqqı xərcləri yaranır, ya da xidmət keyfiyyəti aşağı düşür. Düzgün balansı tapmaq üçün peşəkar yanaşma zəruridir.IlkinPro Hospitality bu istiqamətdə sizə dəstək olur:

  • Bütün şöbələr üzrə işçi ehtiyacının dəqiq təhlili
  • Mövsümlük və doluluq səviyyəsinə uyğun optimal iş qrafiklərinin hazırlanması
  • Vəzifə bölgülərinin və məsuliyyətlərin yenidən qurulması
  • İş yükünün ədalətli paylanması və məhsuldarlığın artırılması
  • Xidmət keyfiyyətindən güzəşt etmədən əmək haqqı fondunun optimallaşdırılması
Faydalar:
  • Əmək xərclərində qənaət, gəlirlilikdə artım
  • İşçi motivasiyasının yüksəlməsi və komanda səmərəliliyinin artması
  • Xidmət keyfiyyətində sabitlik və qonaq məmnuniyyətinin güclənməsi
  • İdarəçilikdə şəffaflıq və asan nəzarət mexanizmi
AzExperience Travel
Təsisçimiz İlkin Rüstəmovun arzusu Azərbaycana gələn xarici turistlərə daha nümunəvi və peşəkar xidmət göstərmək idi. Bu vizyondan doğan AzExperience Travel incoming (gəlmə turizm) üzrə bütün xidmətləri təqdim edən səyahət agentliyidir.Biz qonaqlarımıza hərtərəfli xidmət göstəririk:

  • Aeroport transferləri və nəqliyyat dəstəyi
  • Şəhər və region turları, peşəkar bələdçilərlə ekskursiyalar
  • Fərdi və qrup tur proqramlarının hazırlanması
  • Otel rezervasiyaları və tam tur paketləri
  • Korporativ tədbirlər və ziyafətlərin təşkili

AzExperience Travel – Azərbaycanın qonaqpərvərliyini ən gözəl formada nümayiş etdirmək üçün yaradılıb.
PartnerPro AI Automation Agency
Təsisçimiz İlkin Rüstəmovun şirkət daxilində prosesləri nizamlamağa və hər şeyi səmərəli idarə etməyə olan sevgisindən ilhamlanaraq yaradılan PartnerPro bu gün bizneslər üçün geniş spektrli süni intellekt əsaslı avtomatlaşdırma xidmətləri təqdim edir. Məqsəd – müəssisələrə vaxt və resurs itkisindən azad olaraq daha məhsuldar işləmək imkanı yaratmaqdır.Xidmətlərimizə daxildir:

  • Müxtəlif biznes proseslərinin AI əsaslı avtomatlaşdırılması
  • Satış, CRM və müştəri idarəetmə sistemlərinin qurulması
  • Marketinq və kommunikasiya alətlərinin optimallaşdırılması
  • Müasir, funksional və yüksək keyfiyyətli veb saytların yaradılması
  • Brendinq və rəqəmsal varlığın gücləndirilməsi

PartnerPro – rəqəmsal transformasiya yolunda sizin etibarlı tərəfdaşınız.

Əlaqə

  • 37 Khojali Avenue, Baku, Azerbaijan
  • Demirchi Plaza, LotfiZadeh Technology Center